ОБЛЫС ӘКІМІНІҢ ҚОС АУДАНҒА ІС-САПАРМЕН КЕЛДІ

Осы жылдың 4 тамыз күні облыс әкімі Архимед Мұхамбетов жұмыс сапарымен Амангелді және Жангелдин аудандарына болды. Бұл туралы өңір басшысы Instagram парақшасына жазды.
Архимед Мұхамбетов алдымен «Әулиекөл – Жалдама» автожолының 0-50 км учаскесінің орташа жөндеу барысын тексеріп жөндеу жұмыстары кестеге сәйкес жүргізіліп жатқанын көрді.
Ауданымыздағы А. Байтұрсынұлы көшесінің орташа жөнделу барысымен танысты. Көшенің ұзындығы 1,3 км. Жөндеу жұмыстарын ағымдағы жылдың қыркүйек айына дейін аяқталады деп жоспарлануда.

Бұдан соң, Жангелдин ауданындағы Ахмет Байтұрсынұлы атындағы ауылда болды. Бұл жерде Торғай өзені арқылы өтетін көпірдің күрделі жөнделу барысымен, сондай–ақ аудандық маңызы бар Шұбалан-Қарасу автомобиль жолына орташа жөндеу жүргізу барысымен танысты. Көпірдің ұзындығы 84,65м. Көпірді күрделі жөндеуге 200,8 млн. теңге бөлініп, бүгінгі таңда 12 шақырымнан астам автомобиль жолы жөнделген.
«Тентексай» ыстық бұлағына ат басын бұрды. Биылғы жылы ыстық су бұлағы жанында күркелер, қоғамдық дәретхана және қоқысқа арналған урналар қойылған болатын. Қазіргі уақытта бұл жерге абаттандыру жұмыстары жүргізілуде.
Одан кейін А.Байтұрсынұлы музей үйі мен медициналық пункт құрылысының жұмыс барысымен танысты. Қазіргі уақытта құрылыс материалдарын тасымалдау бойынша жұмыстар жүргізілуде. Іргетасты құю бойынша жұмыстар орындалып, шатыры төселуде. Жөндеу жұмыстары жоспар бойынша осы айдың соңына дейін аяқталмақ.

Өңір басшысы Архимед Мұхамбетов Жангелдин ауданы орталығындағы А.Байтұрсынұлы мен М. Дулатовтың әдеби мұражайына ағымдағы жөндеу жұмыстарын аралап көрді. Нысанның қабырғалары мен қалқаларды демонтаждау, тұтастырғыштарды цемент ерітіндісімен құю, төбе, еден, ішкі есіктерді және су құбырларын ауыстыру, қабырғаларды сырлау, бейнебақылау және сыртқы жарықтандыру мен қоршауларды орнату жұмыстары жүргізілген.
Жангелдин ауданындағы «Қазақтелеком» АҚ аудандық филиалына барды. Жыл соңына дейін облыстың оңтүстік өңірлерінің 16 ауылы бойынша мобильді интернет 3G/4G стандартына дейін жақсартылмақ.
Іс-сапар барысында өңір басшысы аудан әкімдері мен мердігерлерге барлық жоспарланған жобалар мен іс-шараларды сапалы және мерзімінде орындауды тапсырды.